B- Baskit

Salamat sa pagbisita! Naghinam hinam ko nga mosulat niining akong pa ambit karon... kay mahitungod kini sa akong BASKIT nga puno ug BULINGON! Wala'y mo palag kay duha ka B ang akong sugilanon karon!! KUK!
Pirting daku-a sa akong hulagway no? Bitaw, ako kining gisulat tungod kay karong adlawa, sa una ko pa gi kuso kuso kining sulod sa maong baskit, gi piktyuran sa nako aron pruweba kaninyo nga kining baskit nako mura kini ug may kinabuhi kay kada adlaw gatubo man ang sulod!

Dakung garbo ko ug kalipay nga sa pagka karon, niining taknaa sa akong pagsulat, nahawan gyud ang sulod sa baskit. Mao na'y gi ingon, "Goodbye, labhunon!!" Apan subo nga pamalandongon nga ugma mag sugod na pud ug tubo ang baskit...

Haay, Baskit, o baskit!! Kada adlaw makita taka , maka ingon ko, "Hala, birada! Atimanon ta ang labada!!"

Hinaut pa nga nalingaw mo sa akong gipaambit... kamo, duna ba mo'y baskit?

Akong tampo sa:

A- Asukar

Aduna ko'y isa kahigala... buot nga siya lamang ang bugtong kong atimanon ug kumustahon. Sa makadaghang panahon siya mangumusta kanako ug mo balos pud ko ug pangumusta kaniya. Daghang higayon mo angkon ko nga di ko siya matagad. Kini laging daghan ta'g gi atiman... labhonon, mang limpyo sa balay.. pisbuk.. blogging... luto, la-ag, tanom2x sa garden, atiman sa bana...

Mura'g duna ko'y na dungog nga nagmahay na lagi daw siya nako...Hangtud nga kagabii nakurat ako sa dihang mi bisita ako sa iyang profile-- "add as a friend" na man siya. Buot pasabot, iya na kong gi papha sa iyang listahan sa mga amiga? Oy, dakung kahibulongan gayud. Ambot unsa'y sala ko sa iya? Nah hala.. kung dili siya gusto kanako, wa ko'y mahimo. Kining akong amiga nga murag asukar, gusto pirmi magpatagad? sa tinuod lang?

Nasubra-an ra pud... mura'g gibidli na pud ko niya.